Hæ ég heiti Ásta og mig langar bara til að skrifa nokkur orð.

 

Í fyrsta lagi þá langar mig að segja frá því að mér datt í hug að skrifa jólakort núna fyrir jólin þar sem ég hef ekki lagt í það vegna þreytu í fingrunum sem hefur orsakast af miklum skriftum. Ekki það að ég sé kaþólsk heldur hef ég einfaldlega verið í prófum seinustu jól og hef þar af leiðandi verið búin að skrifa yfir mig fyrir jólin. Núna hinsvegar hef ég ákveðið að skrifa nokkur jólakort en svo fór ég að hugsa að kannski þá gleymi ég að skrifa einhverjum og sá eða sú fer þá kannski að grenja um jólin og hendir í mig gömlum spariskóm næst þegar hún eða hann sér mig næst. Ég hef nebblilega uppgötvað að þrátt fyrir að ég sé útskrifuð úr háskóla og sé einkar skemmtileg og viðkunnanleg þá er ég ekki fullkomin. Ég veit að þetta getur komið sem áfall fyrir alla þá vini mína sem hafa álitið það hingað til en ég get fullvissað ykkur um að þetta nær bara til mynnis míns. Þið sem viljið því halda áfram að finnast ég fullkomin getið endilega gert það áfram.

 

 

Í öðru lagi þá vil ég segja að fólk sem stundar skíðastökk er eitthvað klikk þar sem ein léleg lending og engir fætur meira... þetta er nokkuð heimskt verð ég að segja.

 

 

Í þriðja lagi þá var verið að segja í fréttunum að seinasti Geirfuglinn hafi dottið í það í dag. Mjög góð hugmynd hjá honum fyrir jólin. Hann hefur eflaust ekki getað afborið tilhugsunina um það að það séu að koma jól og að hann sé munaðarlaus. Náttúrufræðingar eru víst ekki hrifnir af þessu þar sem þeir vilja endilega hafa fuglinn uppþurran um jólin. Næsta víst er að hann verði lokaður inni í rakastilltu búri eftir þetta uppátæki sitt. Áfram Geirfuglinn segi ég nú bara.

 

 

Og í lokinn vil ég segja við þá sem fá ekki jólakort frá mér að þá eigi þeir að lesa fyrstu línurnar í þessu bloggi og vera þakklátir fyrir að þekkja mig.

 

 

Gleðileg jól

kveðja

Hin lítilláta Ásta

Ég hélt að ég ætti mjög viðburðarsnautt líf þar sem ég er nú að bíða eftir svörum úr ýmsum atvinnuviðtölum og umsóknum en svo fór ég að hugsa um dagsskrá dagsins í dag og hún er einhvern veginn svona:

07:00 vaknaði og fór í sturtu

07:30 þurrkaði mér, klæddi, málaði, og lakkaði glært yfir rauða naglalakkið

08:15 keyrði Óskari í skólann

08:30 mætti út á nes að hitta pabba

09:00 keypti gám í Hafnarfirði að andvirði 250 þúsund

09:30 fór í Byko og leitaði af flísum

10:00 náðum í Óskar og fengum okkur miðmorgunverð

10:30 keyrði pabba í slysó

11:00 fór í Háskólafjölritun og fékk tvo menn til að prenta út B.S ritgerðina mína (erla þessa sem ég fékk .. fyrir) og binda inn

11:30 fór í Nemendaskrá og lét rakka mig niður til að byggja upp sjálfstraust

12:00 búin að eiga erfiðan morgun svo ég fór heim að leggja mig

15:00 vaknaði aftur og las

15:30 tók Óskar í bakaríið Svo er ég að bíða eftir framhaldi dagsins en það verður líklega svona

16:30 Solla kemur og við förum að máta kjóla

17:00 förum líklega að greiða okkur og Pálína bætist í hópinn

17:30 örugglega enn að greiða en förum líklega líka að mála okkur

19:00 mætum í Perluna til að leika James Bond gellur og fáum borgað fyrir það... hver sagði svo að það borgaði sig ekki að vera sæt...?

Mun segja nánar frá seinni parti þessa annasama dags á morgun... enda á ég gríðarspennó líf..

Nú er fagur dagur og skemmtilegur, sólin skín og fuglarnir syngja... ástæðan: ég er að fara að skila ritgerðinni minn á morgun og hún er tiltölulega tilbúin. Það eina sem skyggir á ánægju mína er að klukkan er bara hálf 12 og ég er enn að bíða eftir að fá lokakaflanna út á setta frá umsjónarmanninum mínum. Langar að fá þá núna til að ég geti klárað þetta helvíti og prentað þetta svo út. Núna sit ég því ein heima og bíð.. á einmitt einkar gott með það að bíða, enda hef ég ávallt verið talin mjög þolinmóð manneskja með meiru.... oh klukkuna vantar núna 25 mín í 12 og ekkert bólar tölvupósti til mín... ég á svo bágt, langar að klára þetta og fara svo að leika mér... En á morgun verður svo góður dagur, ég hef nebbla ákveðið að segja bara ,,æi fokk itt” á þessa ritgerð og skila henni inn um leið og ég hef lagað það seinasta sem ég þarf að laga... enda ef ég ákveðið að svona B.S. ritgerð skipti nú ekki miklu máli! Svo á morgun þá er ég líklega að fara í vísindaferð og svo á djammið með Önnu Rósu og Óskari, hann veit reyndar ekki að hann sé að fara á djammið hehe, en hann ræður nú litlu um það hehe.. hef einnig ákveðið að skrifa ekki meira núna þar sem ég er orðin út pikkuð eftir seinustu vikurnar.. Mun samt líklega pikka seinna í dag ef ég þarf að bíða lengi í viðbót...

vil samt benda á að:

• mér hefur leiðst meira seinustu 3 vikurnar en í öllum prófum sem ég hef tekið samanlagt.
• ég drakk ekkert hvítivín þegar ég skrifaði þessa ritgerð og mun hún væntanlega líða fyrir það.
• mér finnst ég vera mjög skemmtileg í einrúmi, nema stundum þegar ég losnaði ekki við mig.
• ég er orðin aðdáandi græns og hvíts te af því ég er of löt til að hita kaffi.
• ég er gróin föst við einn eldhússtólinn.
• er búin að borða 5 tonn af muffins en samt ekki komin með ógeð
• ég er að fara að skila ritgerðinni minni á morgun á meðan sumir sem ég þekki eiga þetta allt efitr ha ha ha, óheppnar!

jæja núna er ég mætt á hið ástkæra og ilhýra land eða þannig sko, króatía var frábær og slovenía var frábær, mæli með því að fólk skelli sér þangað, rosa fallegt og allir voða vinalegir við íslendiga þar sem fæstir hafa heyrt málið áður og finnst við voða skemmtileg.. annars er það að frétta að ég er á eftir að fara að hitta leiðbeinandnn minn og ég er shitt stressuð, mun hún dissa mig og mína ritgerð eða mun hún lofsama mína ritsmíð (efast reyndar um það seinna en það má alltaf vona he he). þannig ég er bara að sitja heima og reyna að finna leiðir til að hugsa ekki um það að ég er atvinnulaus og þarf að skrifa leiðinlega ritgerð og að reyna að komast hjá því að taka upp úr ferðatöskunum... er eiginlega ýkt löt... svo í kveld þá ætla ég að hitta erlu og katrínu (þeir sem lesa þetta í dag eru velkonmir líka) og leika svoldið og bæta upp 3 mánuði sem fóru í ekkileik.. annars hef ég ekki mikið meira að segja nema að ég voðalega fegin samt að vera komin heim, það tekur svo á að vera í fríi. vil líka óska óskari til hamingjuóska með að vera byrjaður í óskanáminu sínu aftur, veit að hann óskar óskar þess heitast að fá að læra sem mest í lögfræði he he... ó ég er svo fyndin.

vildi bara benda á að á þessum tíma eftir viku verð ég líklegast komin til Króatíu þar sem ég mun dvelja í 2 vikur... gaman að þessu

Af augnhárum er allt gott að frétta, þau rétt mjakast upp úr hársekkjunum sínum en þó virðst sem þetta ætli að enda vel og verða þau mætt á svæðið í fullum skrúða í endann á september eða þá er áætlaður komutími á þau..

 

 

Lítið annað er að frétta nema að ég er líklegast að fara í útilegu um helgina og svo næstu helgi mun ég fara til Borgarfjarðar Eystri að hlusta á hana Emelíu Torrini gaula nokkur lög.. held að það verði skemmtun hin mesta..

 

 

En ekki vissi ég, eða mundi hvað það tekur á að sækja um vinnur. Þegar einhver vinnumaður/kona hringir í mann þá fyllist maður von og svo þorir maður varla að tala við fólkið þar sem maður er svo hræddur um að fá ekki vinnuna… djöfull verð ég að segja… er reyndar bara búin að fá nei hjá einum vinnustað en það táknar samt að ég sé ekki komin með vinnu neinstaðar sem er sko ekki alveg sniðugt, ætli ég endi ekki bara á atvinnuleysisbótum.. ha ha það væri svo kjánalegt ha ha

 

 

Eitt sniðugt í viðbót, hún Annetta er rosalega spennt fyrir einhverju sem heitir bootcamp og það eru víst sjálfviljugar þrælabúðir sem fólk borgar fyrir að fá að taka þátt í… við erum mikið að hugsa um að skella okkur í þetta og láta fólk berja okkur áfram í herþjálfun í 12 vikur, já það munar ekki um minna eftir bjórinn ha ha

Sit hérna í vinnunni minni og hugsa um þýsku, ég er nebbla komin með þýskuæði.. veit ekki af hverju.. og svo var ég að skoða á hi póstinum að þar er verið að auglýsa eftir fólki til að hýst skiptistúdenta í 1 mánuð frá 31 júlí til 31 ágúst. Oh svo má biðja um fólk frá sérstöku landi.. oh ég myndi sko taka einn þýskumælandi og spreyta mig á þýskunni. Ég gæti jafnvel komið með þýsk orðtök eins og  ,,du bist einen Kügelskriber” og auðvitað ,,Ich habe eine Kircheslange in meinen Letherhose” þetta geta reyndar ekki flokkast sem alvöru þýsk orðtök en þau eru það hjá mér þannig það er það sama segi ég nú bara.. er alveg viss um að ég myndi vekja mikla lukku með frösum sem þessum… oh svei hvað mig langar til að geta slegið um mig með þeim…

 

 

Þýska rúlar

 

 

Da da da…

var að enda við að skrifa skemmtilegt blogg, (já ég er skemmtileg) og helvítið át bloggið mitt, skíta drasl... en ég var að skrifa um súrar gúrkur. mundi nebbla í gær atvik sem gerðist úti á mallorca, nánar til tekið þegar ég og katrín gengum inn á burgerking og pöntuðum hamborgara, þegar þeir komu svo vildum við fá að vita hvort það væru súrar gúrkur á honum og ef það væru, hvað þær væru þá margar.. við gátum nú ekki spurt á ensku til að hafa þetta einfalt. nei við notuðum okkar fagra móðurmál til að spyrja um gúrkurnar, til viðbótar virtumst við ekki skilja neina ensku og vissum ekkert um hvað starfsfólkið var að tala, endurtókum bara ,,súrar gúrkur" hærra og hærra í von um að þetta myndi skyljast hjá okkur... svo þegar við vorum búnar að bulla í svona 10 mín og allt starfsfólkið úr eldhúsinu var mætt á svæðið þá hlupum við út, öskrandi úr hlátri.. einstaklega gaman verð ég að segja... við erum líka með svo einstaklega góðan húmor ..

annars er ég að fara á bekkjarmót alla helgina, förum að leika í dag og svo er grillað og svo verðum við látin gera fulla af kolrugluðum hlutum eins og fara í kappróður og í karadrátt.. þetta verður eflaust mjög gaman, verst bara hvað ég verð þunn á mánudaginn, mæli ekki með að fólk reyni að stunda viðskipti við mig þann daginn, það verður eflaust e-ð mjög skrautlegur dagur..

já nú er ég bara að slæpast í vinnunni, stefni svo á að fara heim og skrifa nokkra stafi í ritgerðinni minni.. enda er ég með eindæmum dugleg. ætlaði reyndar að skrifa helling um helgina en ég þurfti nauðsynlega að fara á ball og svo þurfti ég líka að bera áburð á trén, setja niður kartöflur, bera meira á trén, berjast í gegnum þyrnigerðið í garðinum og grafa upp nokkra sólberjarunna og setja þá svo niður annarsstaðar, moka skít og bera full af rörum fyrir jarðaberin hennar mömmu, svo ekki sé mynnst á gulræturnar sem ég hjálpaði til við að setja niður... er sko dugleg verð ég að segja...

núna er ég bara að bíða eftir að helgin mæti á svæðið þar sem ég er að fara á bekkjarmót, er búin að pína Óskar til að koma með mér á makakveldið á laugardaginn, einhvern verð ég nú að hafa til að knúsa og kissa þegar ég verð orðin kát hehe, jæja ætli það sé ekki best að halda áfram að slétta peninga í hraðbankann, ekki meiga þeir nú vera krumpaðir... það er svo ljúfengt að slétta þá...

núna er ég að slæpast í vinnunni, sól og blíða úti í gær og ég að leika mér í bankamannaleik.. ansi skemmtilegt verð ég að segja. mér er reyndar búið að takast að gera nokkrar vitleysur en hvað er 400.000 kall á milli vina segi ég alltaf...

Mig langar lítið til að fjalla um Mallorca þar sem ég sakna þess staðar og kæruleysið sem fylgdi því að vera þar.. það sem ég get sagt er bara

augnháraleysi... og af þeim er lítið að frétta, virðast vera treg til að koma til baka enda gott að vera á mallorca í sólinni

einsöngur og sóló í laginu ,,stiginn til himna" eindæmum gott sóló á háunótunum, allir sem þekkja mig vita hve vel ég syng, sérstaklega eftir að það er búið að kvarta yfir hávaða...

og síðast en ekki síst ,,strípihreygð" gleymdi mér aðeins þegar ég var að klæða mig úr fötunum til að leggjast á sólbekkinn, en ég spyr bara afhverju fólk þarf eiginlega að vera í bikíní þó að kærastar annarra séu með í för?!

já þetta var annsi gaman...

best að halda áfram að þykjast vera gáfuð í peningaleik...

yfir og úr... fötunum

Til hamingju ásta með það að prófin eru búin.. já þakka þér kærlega fyrir það elsku ásta mín..

engin meiri lesning, bara sól, sandur og sangría... ekki svo slæmt verð ég að segja... núna er málið bara að þvo föt, finna réttu átfittin og henda þeim niður í tösku ásamt því búa til tossalista til að ekkert gleymist nú... ekki gott mál að þurfa að vera á brókinni á kveldin lika ef maður gleymir að pakka nægu magni af pilsum...

ég er að springa ég hlakka svo til.. ég er að fara til mallorca ekki á morgun heldur hinn.... vei vei vei...

og við ykkur hin sem verðið heima vil ég bara segja... ÓHEPPIN!

oh þetta er búið að vera svo fallegur dagur...

í dag vaknaði ég snemma og fór að læra fyrir próf. þessi hluti dagsins var reyndar ekki skemmtilegur en það verður að hafa það. svo þegar ég var búin að læra til 1 þá fékk ég mér að borða og skellti mér svo í fótsnyrtingu sem ég fékk hjá henni Önnu Guðlaugu en hún er að læra í snyrtiskólanum. þegar ég var búin það þá fór ég í sund með Önnu Rósu og lá þar í 1 og hálfan tíma að sleikja sólina. þegar það var búið var haldið heim og borðað en svo var tekið við að mála og plokka augnbrúnirnar ásamt því að lita augnhárin...  núna er ég á góðri leið með að verða fallegust í alheiminum miðað við allar þær snyrtingar sem hafa verið gerðar á mér undanfarið, þetta jafnast næstum á við extreame makeover þættina verð ég að segja, nema kannski að ég er ekki búin að fara í neina skurðaðgerð og er ennþá með mín eigin brjóst ég er svo sniðug... en bara svona til að mynnast á það þá styttist óðfluga í Mallorca, dýrð sé guði og mér fyrir að kaupa miða

Ég fór í fangelsi í dag... það er kallað þjóðdeild og er dulbúið sem bókasafn í kjallara húss helvítis... ég fór þarna í sakleysi mínu til að fá að glugga í bók fyrir ritgerðina mína en jeminn sko ég fór þarna niður og bað um bókina. Konan fór og náði í hana eftir að ég sannfærði hana um að bókin væri ekki á öðrum stöðum á safninu, það tók samt svona 5 mín. Svo kom hún með bókina og spurði mig hvort ég hefði komið áður, þá var mér farið að líða eins og ég væri að koma til læknis eða að fara í vax, en já, þegar ég neitaði því þá komu lýsingarnar á ferlinu, þær voru svona:

Kona: hengdu upp jakkann þinn bak við hurðina

Ég: ha?

Kona: HENGDU UPP JAKKAN!!!

Ég: (dálítið skelfd) já einmitt

Kona: ertu með 50 kall!?

Ég: ha já (mér leið núna eins og ég væri að kaupa rosa ódýrt dóp)

Kona: þú þarft að setja dótið þitt í skápinn

Ég: (núna leið mér aftur eins og ég væri hjá klobbalækni eða að fara í vax) ok

Kona: svo læsir þú fötin inni

Ég: (ó guð, ég þarf að vera nakin hér)

Kona: og ferð inn í lessalinn (sem var læstur að utan og ekki hægt að opna að utan nema með takka í borðinu hjá konunni.

Ég: já auðvitað (núna leið mér hins vegar eins og ég væri að fara inn í gasklefann og a ð vaxið og klobbalæknirinn væri barnaleikur miðað við þennan lofttóma klefa)

Svo varð ég auðvitað að fara inn á lesstofuna þó að mig vantaði einungis að finna 3 blaðsíður í helvítis dýrmætu bókinni. Ég varð bara stressuð á því að fara þarna inn. Ég var ekki viss um að ég kæmist þaðan út og svo þurfti ég líka að pissa. En það tók mig skammarlegar 5 mínútur að finna þetta og svo gat ég farið út í frelsið, eða réttara sagt að horfa í augun í óvininum og láta hana ljósrita fyrir mig. Þetta er sko dýrustu blöð sem ég hef haft þar sem þau kostuðu blóð, svita, tár og 150 kr... alls tók það mig samt 2 og ½ tíma og væflast inni á bókhlöðunni og núna hata ég hana virkilega. Skil ekkert í fólki sem vill fara þangað inn og læra að fúsum og frjálsum vilja.. þetta er alveg rosalegt... mér hrís hugur við þessu húsi... en núna er sjónvarpið mitt að kalla

Réttur dagsins er fullnusturéttarfar hjá Óskari en hjá mér er það Voltaren Dolo með smá dassi af Voltaren Emulgel. já þetta er unaðslegur dagur hjá okkur hjónaleysunum og ég er bara ekki alveg viss um hvort er verra fullnusturéttarfarið eða hausverkurinn sem er búinn að herja á mig seinustu 4 daga. Ég þakka mínu sæla fyrir að vera ekki að fara í próf fyrr en 13 mai næst en þá er ég líka búin í prófum og á leiðinni til Mallorca... ekki slæmt verð ég að segja. Annars er ég ekki ánægð með seinaganginn hjá H&M þar sem það lítur allt út fyrir að ég fái ekki mitt fallega hvíta bíkíní áður en ég fer út og í hverju á ég þá að vera?? er ekki viss um að ég verði vinsæl hjá genginu ef ég verð berrössuð því þá tek ég alla athyglina af þeim svo ekki sé mynst á að brenna á rassinum en það er ekki vinsælt hjá mér... jæja nú ætla ég, fallega hárið mitt og hausverkurinn að fara að skrifa ritgerð.. gangi okkur vel

VÁ það eru bara 17 dagar þangað til 7 ungar píur leggja loft undir fót og fara til Mallorca... þetta er endalaust skemmtileg tilhugsun í prófunum en það er mikið sem þarf að gera áður en hægt er að fara til útlanda. Til dæmis þarf að plokka, lita, vaxa og raka alla helstu staði sem sjást þegar maður er í bikíní, þetta er rosalegt sko. Ég er að fara að byrja í þessum aðgerðum á morgun þegar ég fer í strípur hjá henni Helgu minni.

Núna er ég annars bara að láta mér leiðast þar sem allir eru í prófum núna nema ég. Óskar er að fara í sitt fyrst próf á morgun og er þar af leiðandi sofandi núna (hann lærir á nóttunni). Ég er reyndar búin í mínu fyrsta prófi, fór í það á laugardaginn í KR-heimilinu. Það var mjög asnalegt, 200 manns í einum sal og enginn fann borðið sem hann átti að vera á. Svo var kona sem las í míkraphon setninguna ,,það er brot á prófreglum að opna prófbókina áður en próftíminn byrjar” á svona 2 mínútu fresti. Eins og allir hefðu bara gleymt því á 2 mínútum... en já svo var fólk að hósta eins og alltaf þegar það eru próf og þá glumdi í salnum, svo þegar allir voru búnir að hósta nægju sína tók ég upp á því að henda í gólfið úrinu mínu, prófborðsnúmerinu, skilríkinu mínu og öllu því nammi sem ég hafði á borðinu. Úr þessu kom sérstaklega skemmtilegur skellur sem náði að glymja meira en allt hóstið til samans. Þar með varð ég vinsælasta stelpan í þessu 200 manna prófi sem er þó nokkuð gott afrek verð ég að segja... hugsanlega mun ég brjóta stólin minn í næsta prófi til að endurskapa þessa góðu tilfinningu sem fylgdi í kjölfar þessara vinsælda.. en nú er ég farin í sund..

 

 

Verð samt að segja eitt sem er rosa fyndið, ég er semsagt komin með vinnu í sparisjóðnum heima, sem er mjög gaman og ótrúlegt þar sem ég kallaði sparisjóðsstjórann röngu nafni í umsókninni minni...  ég er með þá kenningu að myndin sem fylgdi með hafi verið það góð að þessi ruglingur hafi engu máli skipt... en það var nú ekki það fyndna heldur að hann Óskar minn er líka kominn með vinnu og hvar haldiði annarsstaðar en í Landsbankanum heima... já við bankastarfsmannahjónin verðum örugglega í sífelldum metingi í heilt sumar um það hvor bankinn er betri.. aumingja þeir sem ætla að leika við okkur í sumar, eins og við séum ekki nógu leiðinleg fyrir ha hah... en nú er ég farin í sund